Deputeti që nuk shkëlqeu me fjalë por me gjeste

Nuk ishte nga ata që shkëlqeu me fjalën por që po shkëlen me një gjest. Deputeti i ardhur nga listat pas djegies së mandateve nga PD e LSI në 2019-ën, Erion Piciri, ka vendosur të mos i marrë asnjë lek shtetit nga ajo që i takon.

“Mbyllja e një kapitulli, hapja e një të riu.

Sot përmbylla marrëdhëniet me Kuvendin e Shqipërisë, me heqjen dorë nga përfitimet financiare prej 25 milion lekësh të vjetra, që ligji ua jep si shpërblim ish-deputetëve për një periudhë deri 3-vjeçare.

I gjithë aktiviteti im pranë këtij institucioni ishte dhe mbeti vullnetar, duke i lënë buxhetit të shtetit mbi 100 milion lekë të vjetra për ndihmat e tërmetit, biznesit dhe pandemisë.

Nga sot më i lirë, filloj të mendoj për rikthimin në botën universitare dhe angazhimeve të tjera në hapësirën publike”, ish-deputeti Piciri. /sarandacity.al/