Në angazhimet e pritshme të deputetes Denaj do jenë dhe afganët që do mbërrijnë në Shqipëri. Sipas një vendimi të fundit të qeverisë, ata do qëndrojnë një vit në vendin tonë, ku destinacioni final është SHBA-ja.
Dhe do jenë 7 emra qeveritarë që do merren me ta në kuadër të një Task Force të ngritur pikërisht për pritjen dhe menaxhimin e jetës së tyre.
Ajo do drejtohet nga ministrja e Jashtme Olta Xhaçka, ku në varësi të saj do jenë: ministri i Brendshëm Bledi Çuçi, ai i Mbrojtjes Niko Peleshi, e Financave Anila Denaj, ministrja e Arsimit Evis Kushi, ajo e Shëndetësisë Ogerta Manastirliu dhe ministri i Turizmit Blendi Klosi.
Kjo Task Forcë ka disa detyra kryesore që nis në fazën e pare, atë të negociimit me ndërkombëtarët, për të vijuar më pas me menaxhimin e fluksit dhe koordinimit e akomodimit të tyre pas mbërritjes në Shqipëri e deri te menaxhimi i buxhetit i vënë në dispozicion për këta shtetas. /sarandacity.al/
