Deputetja në pritje e Sarandës Anila Denaj, konfirmoi rikthimin e vajtje-ardhjeve të trageteve mes Sarandës dhe Korfuzit që nga e hëna.
Sipas saj, merita qe e qeverisë për këtë zhvillim pozitiv.
“Hapja me kapacitet të plotë e lundrimeve të trageteve, për qarkullimin e udhëtarëve nga Porti i Sarandë drejt Portit të Korfuzit, në Greqi, pas rreth një vit e gjysmë pezullimi ka sjellë realizimin e udhëtimeve të para.
Nga data 5 Korrik udhëtimet do të nisin vajtje- ardhje dhe ky pritet të jetë një faktor pozitiv për mbarëvajtjen e sezonit turistik.
Lehtësimi i qarkullimit erdhi falë edhe masave të marra nga qeveria shqiptare”, shkruan gruaja që zëvëndëson Alket Hysenin si përfaqësuese e Sarandës në parlament. /sarandacity.al/
