Drejtoria e Policisë së Qarkut Vlorë, ku bën pjesë dhe Sarandë, thotë se ka një angazhim maksimal për të qenë prezente në çdo shkollë të qartë këtë ditë të parë të shkollës.
“Me rastin e fillimit të vitit të ri shkollor 2021-2022, Policia e Vlorës ka marrë një sërë masash, duke shtuar prezencën e Policisë, në të gjitha shkollat e qarkut Vlorë, sidomos në orarin e fillimit të mësimit apo gjatë ndërrimit të turneve në shkolla dhe deri në përfundim të procesit mësimor, me qëllim garantimin e rendit, zhvillimin normal të mësimit, sigurinë rrugore, por edhe duke monitoruar zbatimin e masave mbrojtëse kundër COVID-19”, thuhet nga Policia e Qarkut. /sarandacity.al/
