Dy sarandiotë, të dy 21 vjeç, në prangat e policisë gjirokastrite

Dy arrestimet janë kryer në Gjirokastër, nga policia e atyeshme, ku për koiçidencë, kanë rënë në pranga dy sarandiotë, që të dy 21 vjeç, por për motive të ndryshme.

Kështu, “A. D., banues në Sarandë, u ndalua në aksin rrugor Gjirokastër-Kakavije, në afërsi të fshatit Dervician, ku gjatë kontrollit të ushtruar në automjetin tip Mercedez Benz ku ky shtetas udhëtonte si pasagjer, nga shërbimet e policisë u gjet dhe u sekuestrua në cilësinë e provës materiale një sasi e vogël lënde e dyshuar narkotike cannabis sattiva”.

Më tej, “L. Sh., banues në Sarandë, nga verifikimet e kryera ka rezultuar që ky shtetas ka thyer masën e sigurisë ‘Arrest në shtëpi’ për veprën penale  ‘Drejtimi i automjetit në gjëndje të dehur apo pa dëshmi’. Ky shtetas iu dorëzua shërbimeve të Komisariatit të Policisë Sarandë për veprime të mëtejshme”. /sarandacity.al/