Ukranias në bilancin e zi të Muzinës: kush humbi jetën nga aksidenti fatal

Orë pas aksidentit tragjik në Muzinë, janë identifikuar të 5-të jetët e humbura, ku mes tyre është dhe drejtuesi i furgonit i cili doli nga rruga, qytetari i Sarandës, 51-vjeçari Bardhi Proda.

Më tej, çifti i bashkëshortëve, Fiqiri e Dritë Korçari, si dhe një çift ukrainas, janë ata që dhanë frymën e fundit në furgonin shpërfyturuar mes ferrishtes, disa metra poshtë rrugës.

Ndërkohë, të plagosura kanë mbetur kanë mbetur katër femra, dy prej të cilave në automjetin Land Rover që u bë shkak për daljen e furgonit nga rruga.

Njoftimi i Policisë në lidhje me identitetin e 5 jetëhumbjeve:

“Informacion shtesë mbi aksidentin e ndodhur në rugën nacionale Gjirokastër-Sarandë, ku në vendin e quajtur Muzinë, mjeti tip Land Rover me drejtuese shtetasen R. Ç., 22 vjeçe, banuese në Tiranë, është përplasur me mjetin tip furgon me drejtues shtetasin B. P., 51 vjeç  banues në Sarandë.

Si pasojë e aksidentit kanë humbur jetën drejtuesi i furgonit shtetasi B. P., pasagjerët F. K., 77 vjeç, banues në Tiranë, D. K., 72 vjeçe, banuese në Tiranë,

F., 48 vjeçe, banuese në Ukrainë dhe O. F., 53 vjeç, banues në Ukrainë.

Gjithashtu kanë mbetur të dëmtuara shtetaset G. D., 25 vjeçe, banuese në Tiranë(pasagjere në mjetin tip furgon), R. Ç.(drejtuese Land Rover), A. K., 23 vjeçe dhe G. P., 22 vjeçe, banuese në Itali(pasagjere në Land Rover)”. /sarandacity.al/