Një ditë më parë, doli në pah fakti se një sasi votash destinuar kandidatit demokrat Jolio Dine më 25 prill, kishin “fluturuar”, edhe pse brenda të njëjtës sigël, asaj të PD-së, te homologia e tij Ina Zhupa. U konstatua kjo gjatë një rinumërimi në KQZ, të disa kutive të Qarkut Vlorë, mes tyre dhe të Sarandës.
Dhe, në ato të Konispolit, doli në pah një transferim i vullnetit të votuesve, ose siç quhet ndryshe, një “vjedhje”, paçka se brenda së njëjtës familje politike.
Kështu, emrat që dyshohet se kanë tjetërsuar vullnetin e zgjedhësve, janë pikërisht të mësipërmit, të cilët kanë patur rolin e numëruesve në KZAZ-në e Konispolit. Ama vetëm njëri ndër ta është autori.
“Djalli” u zbulua në Kutinë 4706, Shkolla e Mesme Konispol.
KQZ kishte zgjedhur rastësisht 45 kuti në gjithe Qarkun. Nga rinumërimi kanë rezultuar se kandidatja Ina Zhupa ka përfituar pa të drejtë 26 vota. Më shumë vota ka përfituar pa të drejtë Vangjel Anagnosti, plot 40. Ndërsa kandidatëve Jolio Dine e Bujar Leskaj, u ishin vjedhur përkatësisht 7 dhe 10 vota. /sarandacity.al/
