Në një bilanc të fundvitit, ministrja Delina Ibrahimaj tha se ekonomia në 11 muaj e parë të vitit ka pasur një ecuri pozitive
“Në tre mujorin e dytë vendi ynë ka pasur më shumë zhvillim në sektorin e bujqësisë. Një ndër sektorët që ka ndikuar pozitivisht në ekonominë e vendit tonë ka qenë truizmi. Ndërsa sektori që nuk ka pasur rritje pozitive në krahasim më të tjerët ka qenë industria.
Ecuria ekonomike është ndikuar më së shumti nga qarkullimi i të gjithë sektorëve, i cili për 11 muajt e parë të vitit ka rezultuar me një rritje prej 21%.
Remitancat kanë pasur një tendencë rritëse gjatë këtij viti, duke u rritur me 9,8 përqind në krahasim me 9-mujorin e një viti më parë. Ka pasur rritje të investimeve të huaja direkte”, ishin shifrat e dhëna prej saj, të cilat jo gjithnjë përputhen me perceptimin apo atë çfarë thotë njeriu i thjeshtë apo sipërmarrësi.
“Shkalla e papunësinë ka shënuar nivelin më të ulët të viteve të fundit në 10,6 përqind”, theksoi ajo, duke shtuar se paralel ka patur dhe rritje të pagës minimale.
“Niveli i pagave në tremujorin e tretë, paga mesatare ka shënuar 616013 lekë ose 9,18 % më e lartë në krahasim me vitin e kaluar në të njëjtën periudhë”, tha ministrja. /sarandacity.al/
