Era postpandemi: ç’u tha në të parën mbledhje në sallën e Këshillit Bashkiak

Pas më shumë se një vit veprimtari online, Këshilli Bashkiak ka zhvilluar dje mbledhjen e parë të radhës me prani fizike në sallë. Vendimmarrja ka qenë miratuese për dhënien e ndihmës ekonomike nga bllokskema 6%, si dhe nga të ardhurat e Bashkisë për muajin prill.

Këshilltarët janë njohur dhe kanë miratuar raportin mbi zbatimin e buxhetit faktik për vitin e kaluar. Plani lokal i menaxhimit të integruar të mbetjeve është vlerësuar me ndikim për të ofruar një qytet të pastër për banorët dhe pushuesit.

Sensibilitet të kuptueshëm ka patur për zbutjen e problematikës së strehimit, duke diskutuar e vendosur me përgjgjësi për listën e përfituesve nga programi i banesave me kosto të ulët të ndërtuar nga Enti Kombëtar i Banesave.

Këshilltarët u njohën në mënyrë të plotë me masat e marra nga Bashkia Sarandë, për të patur një sezon turistik të ringritjes së fuqishme e të qëndrueshme, përmes raportit të paraqitur.

E pandarë nga kjo, ishte edhe panorama e raportuar lidhur me situatën mjedisore, me administrimin e pyjeve dhe kullotave dhe mbrojtjen nga zjarri. /sarandacity.al/

Tags: Perditshmeri