Deputetja Denaj e ka përcjell më entuziazëm faktin që Komisioni i Ekonomiasë miratoi Eurobondin, një lloj borxhi të madh që do marrë Shqipëria, për të cilin ajo qe relatore.
“Miratuam në Komisionin për Ekonominë dhe Financat projektligjin ‘Për Eurobondin që do të emetohet nga Ministri i Financave dhe Ekonomisë, miratimin e përjashtimeve nga tatimet e taksat dhe të parashikimeve për heqjen dorë nga imuniteti, në marrëveshjet që do të lidhen nga Ministri i Financave dhe Ekonomisë’.
Si relatore e këtij projektligji, theksova faktin se Shqipëria vjen nga një histori suksesi në daljet e saj në tregjet ndërkombëtare, duke mundësuar emetime me kosto të ulëta. Performanca financiare dhe reformat e rëndësishme shtuan besimin te investitorët e huaj.
Vlerësimet pozitive të bëra nga agjencitë prestigjioze Moody’s dhe Standard & Poors për financat publike dhe ekonominë janë një bazë e fortë për arritjen e suksesit në nëntor”, shkruan Denaj.
Por gjatë debateve aju u ironizua nga një veteran parlamentar nga kahja opozitare, Dash Shehi, pikërisht në lidhje me Eurobondin.
“Këtë relacion merreni e gëzofshi, por këtë me shit mend se sa e mirë që është ekonomia shqiptare nuk i hamë këto.
Pse është sukses me marr borxh? Dëgjova edhe zonjën ministre që na qenka përmirësuar struktura e borxhit.
A do ta bëjmë tamam marrim një miliard vitin që vjen dhe na përmirësohet kjo afatgjatë, kjo qenka mënyra për ta përmirësuar, qenka gjë e mirë kjo.
Pra ne jemi të sëmurë, por nuk e kemi sëmundjen aq të tmerrshme sepse varrimin do na e bëjnë me arkivol të mirë. Ky është turp i madh”, tha Dashamir Shehi. /sarandacity.al/
