Për të mbështetur çdo përpjekje për të forcuar bashkëpunimin me përfaqësuesit e Minoritetit Grek dhe autoritetet shqiptare, për të siguruar të drejtat themelore të të huajve në vendin fqinj, ishte takimi që nënvizoi deputeti Vasili Giogiakas, njëherësh edhe Kryetar i Grupit të Miqësisë Dhoma Greqi – Shqipëri me ambasadoren e Shqipërisë në Athinë, zonja Luela Hajdaraga.
Deputeti referoi përparimin e Shqipërisë në fushat e të drejtave të njeriut dhe sundimin e ligjit – të cilat janë ndër parakushtet e vendosura nga Bashkimi Evropian për fillimin e negociatave të pranimit – dhe rëndësinë e tyre për mbrojtjen e të drejtave të pronës, arsimit dhe Minoritetit Kombëtar Grek .
Ai e përshkroi Minoritetin Grek si një ” urë miqësie dhe bashkëpunimi ” midis dy vendeve që kontribuon në mirëkuptimin e ndërsjellë dhe ka shumë arsye për të dëshiruar dhe kërkuar marrëdhënie dypalëshe harmonike, dialog konstruktiv, fqinjësi të mirë.
Giogiakas e përshkroi si ” zhvillim pozitiv ” marrëveshjen e Kryeministrave të të dy vendeve për të shpejtuar negociatat mbi hartimin e një marrëveshjeje të përbashkët për referimin e Demarkacionit Detar në Gjykatën Ndërkombëtare të Drejtësisë në Hagë (çështja e “Detit”), duke vënë në dukje se kjo mund të hapë rrugën e zgjidhjes dhe për çështje të rëndësishme në marrëdhëniet dypalëshe.
Ai gjithashtu foli në rihapjen e fundit të Doganës së Mavromati dhe Krystalopigi, duke shprehur shpresën se përmirësimi në të dhënat epidemiologjike do të lejonte lehtësimin e mëtejshëm të kufizimeve në kufijtë e tranzitit ditor dhe vizat e hyrjes për bashkimet familjare.
Por tej këtyre konsideratave zyrtare, një hijee madhe dyshimi mbetet ende mbi autoritetet greke në lidhje me (mos)hapjen e kufijve, pra hapjen gjysmake te tyre dhe shtyerjen e herëpas’hershme të një vendimi për hapje më të plotë.
Ndërkohë, Korfuzi, porta kryesore detare e komunikimit mes dy vendeve, as që është në axhendë fare për t’u hapur. Dyshimet janë në atë që e gjitha ka një sfond dhe arsye politik dhe aspak epidemiologjike, pasi Shqipëria ka treguesit më gtë mirë, në daç në shkallë rajonale e në daç në shkallë kontinentale. /sarandacity.al/
