Ish-kandidati për kreun e Bashkisë së Sarandës nën siglën e PD-së, Kreshnik Bozho, hedh idenë e “frenimit të gjuhës” për Sarandën e Ksamilin gjatë sezonit sa i përket atyre aspekteve të kritikueshme.
Ai fton pra për një qëndrim etik në funksion të imazhit të turizmit në këto dy qendra të jugut, duke “fshehur” të këqiat për muajt e verës e treguar vetëm të mirat.
“Nuk e di, por gjithmonë e kam menduar këtë: që gjatë sezonit turistik ne të gjithë nuk duhet uhet të flasim shumë për problemet e ndryshme të Sarandës e Ksamilit, që mund të jenë pafund, por vetëm për anët e mira që janë shumë e më shumë, duke promovuar kështu vendet tona të bukura dhe shërbimet që ne ofrojmë”, shkruan Bozho.
Më pas ai vijon:
“Nga tetori e tutje le të flasim fort për çfarë duhet të përmirësojmë”.
Vështirë të ndahet nëse kjo ide e Bozhos është thjesht një thirrje e ndërgjegjes qytetare apo dhe një lloj protagonizmi me sfond politik, duke e parë nga e nesërmja ku ai sërish mund të jetë një favorit për marrjen e timonit të drejtimit të qytetit. /sarandacity.al/
