Së shpejti, Delvina do ketë bustin e aktores së ndjerë Hajrie Rondo, bijë e saj. Sipas TCH që informon këtë rast, busti i ish-delvinjotes së famshmë të skenës dhe ekranit është përgatitur nga skulptori Kreshnik Xhiku.
Po me cilin rol do përfaqësohet pamja e saj?
“Përpara se ta bëja këtë puna grumbullova disa materiale fotografike nga familja. Jam mbështetur në veshjen e saj me rolin e saj më të spikatur në filmin ‘Përrallë nga e kaluara’.
Dhe rolin e Tanës, mbase nga rolet më të mira të saj. Unë zgjodha atë rekuizitë. I vura dhe shaminë tek koka, bile dhe pak punë kam për t’i bërë dekor shamisë, nuk do e le ashtu”, ka shpjeguar autori.
“Janë figura që kanë bërë histori në artin e kinematografisë dhe është mirë që t’i përjetojmë”, thotë ai.
Hajrie Rondo ka 120 role në kinema edhe teatër. Artistja u shua në vitin 2017, në moshën 66-vjeçare.
Autori Xhiku thotë se “do të vendoset përpara Shtëpisë së Kulturës së Delvinës”. /sarandacity.al
