Hedhja në erë e 5-katëshit në Dhërmi, Rama ofron pamjet: Rifillojmë….!

Kryeministri Rama publikoi pamjet e hedhjes në erë të një pallatit 5-katësh në Dhërmi, gati për shitje apartamentesh, si një paralajmërim se këtë lloj fati do ketë çdo lloj ndërtimi pa leje në bregdet.

Ishte kjo rinisja e një tjetër faze të operacionit të qershorit “Bregdeti ynë”, që do vijojë tashmë dhe në mbyllje të sezonit turistik.

“Dhërmi – Operacioni ‘Bregdeti Ynë’

Rifillon aty ku u ndërpre në qershor për shkak të sezonit turistik, operacioni i pastrimit të bregdetit nga çdo ngrehinë abuzive apo abuzim me lejet e ndërtimit, për të cilat jo vetëm toleranca do të jetë zero, me shembjen e ndërtimeve pa leje, por do të vihen para përgjegjësisë shkelësit e ligjit, në bazë të normave të reja penale për shkeljet në ndërtim”, shkruan i pari i qeverisë. /sarandacity.al/

https://youtu.be/cztdejBQ2uE