Kryebashkiaku Adrian Gurma ka takuar mëngjesin e kësaj të mërkure të parin Raiffeisen Bank në Shqipëri, Christian Canacaris.
“Dita nisi sot me nje takim me Drejtorin e Përgjithshëm të Raiffeisen Bank në Shqipëri z.Christian Canacaris dhe stafin e tij, të cilin e falenderova për kontributin në ndihmë të komunitetit. Diskutuam mbi zhvillimet ekonomike dhe turistike në Sarandës, si dhe mbi mundesitë për bashkëpunime të tjera të frytshme në vijim”, shkruan i pari i Sarandës.
Christian Canacaris është pjesë e Bordit Drejtues të Raiffeisen Bank në Shqipëri prej 16 vitesh, si dhe Drejtori i Përgjithshëm prej rreth 10 vitesh.
Ai ka qenë vazhdimisht i angazhuar në projektet sociale-kulturore në shërbim të komunitetit, si dhe në promovimin e vlerave kulturore të Shqipërisë dhe Austrisë. /sarandacity.al/
