Në lëvizjet e fundit që kanë përfshirë Policinë e Shtetit, me drejtorë e shefa nga këtu-atje, diktuar nga era e re “Nano”, nuk është diskutuar aspak ndonjë lëvizje e mundshme e kreut të Komisariatit Klodian Kondi, i cili erdhi nga Tirana në Sarandë në mes të sezonit, për ta menaxhuar rendin në qytet fill pas një ngjarjeje të rëndë me shkëmbim zjarri në aksin Turizëm – Çukë.
Megjithatë, lëvizje lokale ka patur në radhët e uniformave blu në Komisariatin e Sarandës. Kështu, Viktor Lloge, nga zëvëndës i Kondit, pra Zv/Shef Komisariati, ka shkuar Shef Komisariati në Himare.
Haki Koshi, nga Zv/Shef Qarkullimi në Sarandë ka shkuar Shef i Postës Policore në Livadhja. Ndërsa në vend të tij në krye të Qarkullimit është emeruar Ermal Kodhima.
Ndërkohë, Edilion Kolagji është emëruar komandant “Shqiponja”-ve. /sarandacity.al/
