Zhvillimi i pazakontë në PD-në e Sarandës, me ikjen e Sekretares Matilda Qurku, dorëheqje dhe shkarkim bashkë, duhet ta detyrojë deputeten Ina Zhupa që të shprehet, si pëgjegjëse jetës politike e opozitës në Jug, si dhe nga fakti se znj. Qurku, paçka rreshtimit me Berishën, ishte ndër mbrojtëset në publik ndaj akuzave që iu bënë znj. Zhupa nga kampi i “Foltores”.
Edhe kjo është një përgjegjësi që duhet mbajtur ndonëse jo e lehtë.
Siç reagon për çdo paudhësi pushteti, lipset reagim, ose sqarim, edhe për zhvillime të ndejeshme brenda shtëpisë politike.
Sepse siç dihet, znj. Qurku ka një status të veçantë në PD-në e Sarandës, si një figurë e traditës të kësaj force në nivel lokal.
Pos kësaj, ata vepronin në partneritet politik në jetën publike të Sarandës deri dje, çka të shtyn të mendosh se kush mund ta zëvëndësojë nesër znj. Qurku krah deputetes në bashkëbisedimet publike me qytetarë të Sarandës.
Ina duhet të flasë, pasi politika nuk është vetëm për të akuzuar por dhe për të sqaruar! /sarandacity.al/
