Në emisionin “RinOn” në Euronews Albania, përballë të rinjve, deputetja e Sarandas Ina Zhupa tha se qeveria Rama nuk po përkujdeset siç duhet për procesin e Integrimit në Bashkimin Evropian.
Ajo u shpreh se nuk ka buxhet për Integrimin dhe se qeveria në vend që ta mbante Integrimin ministri në vete, e ka kthyer në drejtori të një ministrie tjetër, gjë që sipas saj tregon se nuk është prioritet.
“Kur e ke diçka prioritet, e lë në nivel ministror dhe jep të gjitha kapacitetet për ta kryer sa më mirë këtë proces”, u shpreh Ina Zhupa.
Deputetja e PD-së tha se Komisioni i Integrimit Evropian drejtohet nga opozita dhe ka qenë opozita ajo që i ka kërkuar mazhorancës buxhet të posaçëm për integrimin, por sipas saj “qeveria e ka lënë integrimin pa buxhet”, raporton Euronews Albania. /sarandacity.al/
