Përfaqësuese e Qarkut Vlorë si numri dy në listën e deputetëve të Partisë Demokratike, Ina Zhupa ka zhvilluar takime me grupseksionet demokrate në Mesopotam dhe Finiq.
“Bashkim dhe forcë për të ndalur të keqen më 25 prill”, ka qenë thirrja që Ina Zhupa jua përcolli të pranishmëve.
Në këto takime qytetarët kanë shprehur shqetësimet e tyre në lidhje me infrastrukturën dhe papunësinë.
Ina Zhupa së bashku me Jolio Dinen, kandidatin tjetër të PD-së në Sarandë, kanë shpalosur disa nga pikat e programit opozitar, duke u ndalur tek heqja e taksës së karburantit, heqja e tarifës universitare për familjet me të ardhura nën 64000 lek si dhe rritjen e pensioneve me jo më pak 5% për çdo vit. /sarandacity.al/
