Me tezën e njohur majtistë te “bukës”, asaj që njerëzit duan por s’e kanë, opozita natyrshëm vuri në diskutim, apo refuzoi të pranonte atë që deklaroi Rama, se vitin e ardhshëm Shqipëria do ketë dy satelitë në orbitë.
Një ndër më të zëshmet për ta destruktuar këtë “arritje” qeveritare qe deputetja e Sarandës Ina Zhupa. Edhe për të, në Shqipëri njerëzit luftojnë për bukën e jo ta kenë mendjen te satelitët e kryeministrit.
“Shqipëria i pari vend në Europë për konsumin e bukës, 87.5% e produkteve me te cilat ushqehen. Jo se duan te hane buke te thate po se skane asnje mundesi tjeter per t;u ushqyer. Se produktet e tjera ushqimore për pjesën me te madhe të shqiptarëve jane ende produkte luksi”, tha ajo në një fjalim të saj.
Ndër të tjera, Zhupa zgjodhi të citojë një grua të moshuar, e cila i qe ankuar:
“Po e mbyll me nje shprehje qe nje zonje pensioniste me tha sot ‘Kam frike te vdes, jo vetem se e dua jeten, por po vdiqa femijet e mia do zhyten me keq ne borxhe se duhen 1 milion e 700 mije lek edhe per varrim’”.
“Ja pra sot ne Shqiperi eshte tmerr te jetosh e tmerr te vdesesh dhe ju vini ketu e fliste per satelit e per orbite!”, e mbylli fjalimin e saj deputetja e Sarandës. /sarandacity.al/
