Është shënuar e para ngjarje e rëndë me anije turistike, ndodhur në Vlorë, në të cilën ka humbur jetën 25-vjeçare. Fjala është për një incident fatal te ato anije shëtitëse, të cilat janë shtuar së tepërmi, sidomos në këtë sezon, në brigjet e Vlorës dhe Sarandës.
Mësohet se e reja po udhëtonte pikërisht në njërën prej tyre teksa është rrëzuar dhe ka rënë në ujë. Për pasojë ka humbur jetën.
Mësohet se policia ka arrestuar A. G., 47 vjeç, banues në Vlorë i cili ishte i punësuar në anijen turistike dhe akuzohet për shkelje të rregullave të mbrojtjes në punë.
Ndërkohë mësohet se e reja nuk është identifikuar ende.
Njoftimi zyrtar i policisë thotë:
“Specialistët për Hetimin e Krimeve në Komisariatin e Policisë Vlorë bënë arrestimin në flagrancë për veprën penale ‘Shkelja e rregullave të mbrojtjes në punë’ të shtetasit A. G., 47 vjeç, banues në Vlorë”. /sarandacity.al/
