Shërbimi mjekësor në Shqipëri është ndër ato gjithnjë në shënjestër të ankesave, publike apo private.
Sipas një bindjeje kolektive, spitalet tona vuajnë për shërbim të standarteve të ulëta, ndërsa mjekët e infermierët janë ryshfetxhinj, pra sipas kësaj bindjeje.
Por si reflektohet kjo aty ku duhen përcjellë të gjitha dhe në mënyrë konkrete? Zero ankesa!
Po të vëresh kutinë e ankesave në Spitalin e Sarandës, ajo është bosh.
Po pse ky paradoks? Shpjegimi është i thjeshtë: gjykimet apo ankesat, më së shumti janë të përgjithshme dhe jo konkrete. Ose nëse janë konkrete, përtohet ose ngurrohet të thuhet. Ose nëse thuhet, kjo bëhet në kafene, aty ku është gjysma e jetës sonë shoqërore e jo në rrugë institucionale.
Ja shembulli, kjo kuti bosh, që, përkthyer sipërfaqësisht, do të thotë që shërbimi shkëlqen.
Qoftë e vërtetë kjo! /sarandacity.al/
