Presidenti Meta nisi ditën e parë të dekorimeve në Sarandë, duke shkruar fillimisht te Shtëpia e Fëmijës, për të vijuar me “Adem Shemen” përballë dhe “Hasan Tahsinin” pak më tutje.
Kjo është hera e parë që Meta ndërmerr një vizitë dyditore dekorimesh në një qytet, duke vënë në sprovë etike autoritetet lokale, brenda një konteksti politik të caktuar. Sepse, ceremonitë e dekorimeve kanë si partnerë të detyrueshëm edhe pushtetin lokal.
Por pushtetin aktual lokal, atë të dalë nga 30 qershori i bojkotuar nga politika, Meta s’e njeh. S’e njeh për faktin se e ka ç’dekretuar si datë zgjedhjesh. Që do të thotë se s’njeh asgjë të dalë prej tyre. Pra, as kryebashkiakun Gurma.
Por gjithsesi, ky i fundit ka zgjedhur të mos lejojë të çara me kreun e shtetit, ku kortezialisht ka ofruar partneritetin infrastruktural dhe njerëzor për dekorimet përkatëse, ndonëse vetë nuk është prezent krah kreut të shtetit, mbi të gjitha të shkarkuar nga mazhoranca së cilës ai i përket.
Në nisje të ceremonive dekoruese, te Shtëpia e Fëmijëve, Meta u prit në këtë mënyrë:
https://youtu.be/5N_VQ9jqp9Y
