Ish-“kryeministri” i Jugut, i quajtur ndryshe dhe si “Beu i Jugut”, Koço Kokëdhima, është rikthyer në Sarandën e tij të paradisaviteve, e cila politikisht u shndërrua në shtëpi të tij.
Por ndryshe nga atëherë, kur çdo vendim politik e çdo punësim kalonte nga ai, kësaj here telefoni që s’pushon dhe bezdisja publike për të nuk ekziston.
Kokëdhima qe për një kohë njeriu më i pushtetshëm i Rilindjes në Jug, përfshirë Bregun, deri sa ia behu ftohja e më pas ndarja me Ramën.
Por për një farë kohe, ai la pasuesit e vet në Sarandë, të cilët qenë aktiv në emër të Zgjidhjes derisa kjo e fundit u shua, siç u shua dhe partia e bashkëshortes së tij, Lidhja e Blertë.
Nuk dihet nëse rikthimi i Kokëdhimës në Sarandë ka indicie politike apo thjesht nostalgjike. Për të parën nuk ka asnjë sinjal, për të dytën ka plot arsye. /sarandacity.al/
