Ish-spiunët e Sigurimit, Saranda s’mban vendin e parë!

Në kontekst të debatit mbi Metën nëse ka qenë apo jo spiun i Sigurimit të Shtetit, studiuesi i arkivave Kastriot Dervishi publikoi listën e ish-bashkëpunëtorëve të strukturës famëkeqe të regjimit komunist për çdo qytet.

Aty, Saranda nuk rezulton si ish-rrethi me më shumë ish-bashkëpunëtorë Sigurimi, siç është përfolur në vite. Për paradoks është Shkodra.

Sipas të dhënave, del në pah se Shkodra ishte rrethi me më shumë informatorë të regjistruar, plot 752. Pra, vendi që mban mitin e fortesës antikomuniste, paska qenë “pëllëmbë me spiunë”. Paradoksi vazhdon ku më pak të tilla paska patur vendi tipik i majtë, prej nga vjen dhe Meta, Skrapari, me vetëm 70 spiunë.

Shpjegimi për këtë mund të jetë ai që informatorët kanë qenë më të shumtë bash aty ku dhe regjimi është urryer më tepër.

Gjithsesi, Saranda ka patur një numër jo të vogël.

Ish-drejtori i Arkivës në Ministrinë e Brendshme, Dervishi ka zbuluar se në korrik të vitit 1990, ishin 6941 persona të regjistruar si informatorë të Sigurimit të Shtetit.

“Numri i informatorëve të Sigurimit (gjithsej 6941 persona) sipas rretheve, në korrik 1990:

 Berat: 213

 Mat: 154

Durrës: 495

Elbasan: 352

Kolonjë: 119

Fier: 349

Gramsh: 89

Gjirokastër: 277

Korçë: 537

Krujë: 181

Kukës: 336

Lezhë: 140

Librazhd: 150

Lushnje: 230

Dibër: 311

Përmet: 117

Pogradec: 136

Pukë: 106

Mirditë: 178

Sarandë: 366

Skrapar: 70

Shkodër: 752

Tepelenë: 74

Tiranë: 625

Tropojë: 175

Vlorë: 335

Dega e 2-të (për ambasadat): 74”, shkruan Dervishi. /sarandacity.al/