Iu bë krah Berishës, “agjentja greke” lë Shqipërinë

Evi Kokalari – Angelakis, një aktiviste pro-trampiste amerikano-shqiptare, do e lërë Shqipërinë dhe do kthehet në SHBA.

E aktivizuar krah Berishës në lëvizjën anti-Basha të këtij të fundit, e shpallura si agjente greke nga mendjet konspirative, e përfolura për ta marrë ajo drejtimin e PD-së, po e ndërpret aksionin e saj politik, siç bëhet me dije prej asaj vetë.  

“Nuk mund të iki nga Shqipëria pa falenderuar të gjithë ata që më kanë mbështetur, mbrojtur publikisht dhe atyre që nuk humbën për asnjë moment besimin tek unë.

Kjo intervistë me Steve Bannon, që do transmetohet së shpejti në VIZION PLUS, ju dedikohet pikërisht juve dhe luftës që vazhdoni të bëni për të ndërtuar një të djathtë të fortë dhe një opozitë konservatore në Shqipëri.

Albanian Conservatism – STEVE BANNON UNFILTERED!” shkruan Kokalari në postimin e saj. /sarandacity.al/