Njeriu që nuk bëri asnjë arrestim të bujshëm sa qe në detyrë, ish-Kryeprokurori Adriak Llalla, pritet të jetë ai i arrestuari i bujshëm për të vuajtur një dënim dyvjeçar. Kjo pasi Gjykata e Posaçme kundër Korrupsionit dhe Krimit të Organizuar (GJKKO), e shpalli atë fajtor për “fshehje të të ardhurave”.
GJKKO ka vendosur të lërë në fuqi vendimin e SPAK për dënimin me dy vite burg të Llallës.
Ai nuk përfitoi zbritje dënimi nga gjykimi i shkurtuar dhe pritet të vuajë dënimin me dy vite heqje lirie.
Për momentin, Llalla ndodhet për kurim në një spital jashtë vendit.
Kujtojmë se Llalla dhe familja e tij shpallur “non grata” në SHBA. Ndërsa nga ish-ambasadori amerikan Donald Lu është cilësuar si “peshk i madh”.
Adriatik Llalla konsiderohej një Kryeprokuror i dyshes Berisha – Meta, emëruar nga kjo dyshe në atë post, gjë e cila e çoi në kundërshti të hapur ndaj amerikanëve lidhur me Reformën në Drejtësi. Që aty nisi teposhta e tij. /sarandacity.al/
