Artan Dulaku, kreu i Concord Investiment Group, ka postuar së fundi në Linkedin të dhëna mbi atë se çfarë do jetë porti i ri turistik në Limjon, aty ku do ndërtohet dhe një lagje rezidenciale.
Marina Town sipas tij, siç do quhet kompleksi i Limjonit, do mundësojë dhe ankorimin e kroçerave.
Siç dihet, kroçerat nuk mund të ankorohen dot në Portin e Sarandës, kjo për shkak të mungesës së thellësisë së nevojshme në këtë port dhe të tjera mangësive në raport me mjete të tilla gjigande, ndaj dhe qëndrojnë në gji, nganjëherë për ditë të tëra.
Ndërsa në anën tjetër të bregut, në Korfuz, ato ankrohen normal, madje duke u vënë në rresht deri në tre sosh në portin e atyshëm. /sarandacity.al/
