Janinë: si mund të vritet tezja e të mbahet në çantë për një pension…?!

Një rast tjetër i vdekjes së një gruaje vjen për të tronditur opinionin publik. Këtë herë në Janinë, një 69-vjeçare u gjet e vdekur brenda një bagazhi në shtëpinë e saj nga Policia, duke tronditur komunitetin vendas. Shqetësimi  u shkaktua kur u kuptua se ajo kishte kohë që nuk jepte shenja jete në Pogoni ku jetonte.

Policia më në fund kontrolloi shtëpinë e saj dhe siç raporton  epirus-tv-news.gr , trupi i saj u gjet në një bagazh të mbyllur në bodrum.

Nipi i saj 55-vjeçar u arrestua për rastin. E gjitha nisi kur ky i fundit u arrestua të premten sepse 34 pilula pa recetë u gjetën në shtëpinë ku jetonte me tezen e tij   69-vjeçare.

Hetimi identifikoi edhe trupin e tezes së tij, si rezultat i së cilës u ngrit një çështje kundër tij për vrasje me dashje.

Sipas policisë, 69-vjeçarja, tezja e tij kishte vdekur në dhjetëditëshin e dytë të majit nga shkaqe patologjike dhe, duke dashur që ai të vazhdonte të merrte pensionin e saj, e fshehu trupin e saj në bodrum.

Sipas informacioneve, nipi i saj 55-vjeçar e kishte vendosur trupin  në një çantë dhe e kishte mbyllur  me ngjitës që përdoret për pllaka me qëllim që të pakësonte erën e keqe.

Vihet re se ekspertiza mjeko-ligjore tregoi se vdekja e gruas ka ndodhur 2-3 muaj më parë, ndërsa për shkak të prishjes së avancuar të trupit, nuk janë përcaktuar shkaqet e sakta të vdekjes së 69-vjeçares fatkeqe, d.m.th. është një vepër penale ose vdekje nga shkaqe patologjike.

Së fundmi, Nën/Drejtoria e Sigurisë në Janinë, e cila kreu hetimin paraprak, ka urdhëruar një ekspertizë mjeko-ligjore, ndërsa personi i arrestuar do të dërgohet në Prokurorinë Publike të Janinës. /sarandacity.al