Kandidatja demokrate, të rinjve sarandiotë: Votën, as për Bashën e as për Ramën! Për kë?

Në një takim me të rinj në Sarandë, kandidatja demokrate për deputete nga PD, Ina Zhupa, përçoi mesazhin që nuk duhet votuar as për Bashën e as për Ramën. Po për kë?

“Jemi përballë një fakti që në këto zgjedhje nuk do të zgjedhin midis Ramës dhe Bashës, por do të zgjedhim për të ardhmen tonë, për të ardhmen tuaj si rini, për të ardhmen e familjeve tuaja”, ju drejtua Zhupa të rinjve.

Por më pas, ajo tha se duhet votuar për Bashën, pasi sipas saj ai solli liberalizimin e vizave, si dhe ka shumë miq në botë, me të cilët mund t’i vijë në ndihmë Shqipërisë.

“Po të pyesin prindërit e dini sa makth ka qenë për të marrë një vizë për të dalë jashtë, konceptohej si e pa mundur që të liberalizoheshin vizat por Lulzim Basha e arriti.

Ndaj dhe sot i besojmë si i vetmi njeri që me vizionin, me angazhimin e tij dhe me lidhjet e tij ndërkombëtare do arrij te na siguroj një te ardhme me te mire dhe te na bej anëtare të BE”, tha Zhupa. /sarandacity.al/