Kandidatja demokrate për deputete në Sarandë, Ina Zhupa, premtoi të shtrojë atë që mund të quhet “rruga e gjakut” të saj, pra ajo që të çon në Fterë, fshat nga i cili rrjedh, apo thënë ndryshe, është mbesë. E tha këtë gjatë një takimi me gazetarë, e pyetur për pjesë të pashtruar rruge nga Borshi e sipër, aks që të çon në zonën e Kuçit apo Nivicë, e cila është pjesë e projektit të lidhjes së malit me bregun. Zhupa tha se nuk do kishte kuptim që në kuadër të premtimeve për angazhime dhe në rrafshin e infrastrukturës, të mos mundësonte, në kushte pushteti, rrugën për dhe nga fshati i të parëve të saj, që është Ftera. /sarandacity.al/
