Është lënë në burg Gjergj Kohila, ish-shef i Policisë në Sektorin e Luftës kundër Krimit të Organizuar në Vlorë, pasi akuzohet për trafikimin e drogës.
Kohila u dorëzua vetë në polici tre ditë më parë, pasi Gjykata e ka dënuar me 8 vite burg si i përfshirë në grupin “Habilaj”.
Ish-shefi i Policisë është provuar se është përfshirë në trafikun e mbi 3 ton kanabis sativa nga Shqipëria drejt Italisë, në kuadër të grupit të organizuar kriminal të drejtuar nga Habilajt.
Gjergj Kohila, Jaed Çela dhe Sokol Bode ishin tre zyrtarët e policisë të shpallur në kërkim për përfshirje të trafikun e drogës.
Aktualisht në burg është vetëm Jaeld Çela, i cili u vetëdorëzua për tu përballur me drejtësinë, për akuzat e trafikut të drogës. /sarandacity.al/
