Në familjen Hajdini nuk ka qetësi. E ëma e Renilda Hajdinit, Dafina Hajdini, tani do jetë në burg së bashku me të bijën për të njëjtën akuzë, atë të “Dhunës në familje”.
Renilda përfundoi pas hekurave pasi u akuzua nga e ëma për ushtrim dhune, e kjo e fundit ka ushtruar dhunë ndaj nënës së saj, pra gjyshes së Renildës, e cila javë më parë do mbronte mbesën nga pretendimet e së bijës për dhunë, duke thënë se Dafina kishte probleme psiqike.
E tashmë vetë ajo e ka pësuar duke përfunduar në spital.
Në komunikatën zyrtare të policisë thuhet:
“Specialistët për Hetimin e Krimeve në Komisariatin e Policisë Sarandë arrestuan në flagrancë për veprën penale ‘Dhuna në familje’, shtetasen D. H., 42 vjeçe, banuese në Sarandë, pasi ka ushtruar dhunë fizike ndaj nënës së saj”.
E ëma e Dafina Hajdinit do thoshte se e bija, që pas kthimit gati 20-vjeçar në Francë ka shfaqur problem psiqike. Ajo tha se mbesën, Renildën, e kish rritur vetë, e se ajo qe e pafajshme, pasi e ëma ishte ajo që ushtronte dhunë.
Dafina u dërgua në Spitalin Psikiatrik të Vlorës për ca javë, por pasi është nxjerrë që aty ka vijuar siç duket sjelljet e saj agresive, duke rrahur dhe të ëmën. /sarandacity.al/
