Kryedemokrati i Delvinës nuk dyshon aspak te dashuria që Basha ka ndaj Berishës.
Në një status të gjatë, duke komentuar zhvillimet e pazakonta në kampin opozitar, deri dhe të
paimagjinueshme, Imeri shkruan se “Të pretendosh se Z.Basha nuk e do Z.Berisha është si pretendosh se ka lindur dielli por nuk ka zbardhur dita. Të gjithë e dimë, akoma më mirë nga ne e di Z.Berisha se, nëse do të ishte në dëshirën e Z.Basha, ai vendim nuk do të ishte marrë kurrë”.
Pa marrë anë, ai vijon të thotë se “Dr.Berisha e di shumë mirë se ç’farë është përballja me shtetit më të fuqishëm të botës, ndryshe nuk do të bashkëpunote me ta, ku në vitet 2005 pas 8 vitesh opozitë do të merrte drejtimin e vendit”.
Dhe sipas tij, i takon Berishës ta zgjidhë situatën, por se si, nuk detajohet.
“Sot Dr.Berisha duhet të ngrihet në lartësinë e një burri shteti që kërkon koha dhe të influencojë me kredencialet dhe vizionin e tij në bashkimin dhe konsolidimin e Partisë Demokratike”, shkruan i pari i PD-së për Delvinën. /sarandacity.al/
