Një njoftim për referendumin e thirrur nga Kuvendi “Berisha” i datës 18-të, ai për shkarkimin e Bashës si kryetar partie, bërë nga (ish)Sekretarja e degës Matilda Qurku, ka rikthyer komunikimin nervoz brenda familjes politike, ku në qendër është sërish kjo e fundit.
Znj. Qurku pretendon të jetë shkarkuar padrejtësisht, por që siç thotë, nuk e njeh si vendim dhe vijon të vetëndihet Sekretare, ndërsa i thuhet se ka dhënë vetë dorëheqje e jo shkarkuar.
Si e rreshtuar me Berishën, ajo tashmë është në përplasje me palën Basha në selinë mes Rrugës 1 dhe 2, te e cila është dhe kryetari i emëruar Vesel Koçiu.
Më poshtë është një komunikim i fundit mes palëve: PD – znj. Qurku.
Por a ka gisht këtu deputetja Ina Zhupa? Thuhet se administratore e faqes së PD-së Sarandë është pikërisht ajo.
Kujtojmë se ndërsa linja Basha pritet të organizojë Kuvendin Kombëtar më datë 18-të, po në këtë datë, linja Berisha do ketë referendum partiak për shkarkimin e Bashës. /sarandacity.al/
