Ky është shqiptar i ekzekutuari në Atikë, me skedë në drejtësinë greke

Marjus Dhiamanti është jetëhumburi pas një atentati mbrëmjen e së martës në Greqi, pikërisht në Atikë.

Ngjarja ka ndodhur para karburantit të 37-vjeçarit, i cili po qëndronte jashtë në momentin që një makinë në lëvizje ka qëlluar në drejtim të tij dhe bashkëpronarit në biznesit e tij, i cili ndodhet në gjendje të rëndë për shkak të plumbave që morri dhe ai.

Shqiptari i ekzekutuar nuk ishte një person i panjohur për drejtësinë e vendit fqinj.

Ai ishte i akuzuar për trafik kokaine dhe i dyshuar si i përfshirë në një vrasje të ndodhur në shkurt të vitit 2010 në Kypseli. Viktima akuzohej se në 2010 ka vrarë një tjetër bashkëatdhëtar të tij 30 vjeç,  ku dyshohet se shkak ka qenë një borxh mes 37-vjeçarit dhe viktimës së asaj kohe.

Mirëpo Dhiamanti përfundimisht u shpall i pafajshëm pasi pretendoi se arma ishte përdorur nga një person tjetër dhe se ai nuk kishte asnjë lidhje me vrasjen në Kypseli.

Sipas mediave greke, pista kryesore e hetimit në lidhje me këtë atentat është ajo e trafikimit të drogës dhe e një borxhi prej 200 mijë eurosh që dyshohet se i kishte të panjohurve.

I ekzekutuar në ishte i martuar, ndërkohë që bashkëshortja e tij është shtatzëne në pritje të binjakëve. /sarandacity.al/