Lokalet e së dielës në Kosovë: kush i fitoi komunat binjake me Sarandën?

Suhareka, ose ndryshe Theranda, është një prej qyteteve binjake kosovare Sarandën – që edhe rimon me të. Në zgjedhjet e së dielës, aty u konfirmua dhe për një tjetër mandat 4-vjeçar Bali Muharremaj i AAK-së, i cili ia doli të marrë një mandat të dytë, i votëbesuar në shumicë nga zgjedhësit.

Siç saktëson kolegu Thoma Nika, njëherësh shefi i kabinetit të kryebashkiakut Gurma, “Komuna e Suharekës është binjakja më e hershme dhe e qëndrueshme e Sarandës në Kosovë. Ajo lindi si një marrëdhënie sportive mes ekipeve të shahut, 10 vjet më parë.

Të qëndrueshme këtë binjakëzim e kanë bëtë jo vetë shkëmbimi i vizitave dhe grupeve artistike dhe krijues nga të dy qytetet, por edhe shkëmbimet eeksperiencave në fushën e qeverisjes vendore, nga bashkia në këshillat bashkiakë respektivë. Kontaktet mes parlamenteve vendore të dy njësive të qeverisjes janë të vazhdzeshme e të dobishme.

Ndër vite asambleja komunare e Suharekës ka organizuar mbledhje të vetat në Sarandë. Vizita më e fundit e tyre ka qenë ajo e qershotit të këtij viti, me ftesë të kryekëshilltarit të Sarandës, juristit Asaf Stroka.

Ndërsa për kreun e Gjakovës, Komunës tjetër binjake me Sarandën, do të duhet të pritet rezultati i raundit të dytë, për të mësuar nëse kryetari aktual i partisë së Hajradinajt – AAK, zoti Ardian Gjini, do të mundet të marrë votëbesimin e gjakovarëve për një mandat të dytë. Duhet theksuar se z.Gjini nuk ka destinacion tjetër për pushimet e tij verore, veç Sarandës”, shprehet Nika.

Dhe në koiçidencë: të dy kanë numrin 121 në garë. /sarandacity.al/