Një ankesë ka mbërriur në redaksinë e Sarandacity, ku një banor i një prej rrugëve të qytetit, në emër të 15 familjeve të atyshme, rrëfën hallin që ju ka zënë me ujin.
Por aty, veç ankesës, nuk parashtrohet ndonjë kërkesë se ç’duhet bërë për ta normalizuar situatën.
Ujësjellësi te i cili janë ankuar iu është përgjigjur, jo me zgjidhje por me arsyetimin se përse atyre iu është cenuar normaliteti i furnizmit me ujë.
Gjithsesi, Sarandacity po publikon ankesën e banorit, duke kontribuuar dhe në korrektimin gjuhësor të tekstit të ankesës, si duket shkruar në gjendje stresi nga ankuesi. 
“Përshëndetje!
Jemi 15 familje të rrugës së Kopshtit nr. 5, të cilët kemi mbi një muaj që luftojmë me pompa në kurriz që në 5 të mëngjesit.
Për këtë problematikë jemi ankuar disa herë në Drejtorinë e Ujësjellësit, e cila ka dërguar dhe grupet teknike të saj për të verifikuar shqetësimin ton në vend dhe kanë konkluduar se kjo vjen si pasojë e ndryshimit të orareve për të furnizuar me ujë 24 orë qendrën e qytetit dhe zonat turistike.
Sqarojmë se kjo situatë është hera e parë që përsëritet pas 6 vjetësh nga shtrimi i linjave të reja nga kompania gjermane”. /sarandacity.al/
