Luzia Xhuvani, aktorja e njohur sarandiote, njëherësh ish-deputete e dorëhequr e zonës pak vite më parë, vijon me intensitet të lartë aktivitetin skenik.
Paçka disa goditjeve të rënda në jetën private, ku e fundit qe ndarja nga jeta e
bashkëshortit të saj, regjisorit të njohur Gjergj Xhuvani, ajo nuk e ka ndërprerë aspak raportin e saj me skenën, që është në fakt më shumë se profesion për të, identiteti bazë i saj jetësor.
Së fundi ajo qe protagoniste si intepretuese në eventin e ndarje së çmimeve vjetore të letërsisë, organizuar nga Ministria e Kulturës, krah kolegëve të njohur Vasian Lame dhe Viktor Zhusti.
Megjithatë, ajo u ka qëndruar larg mediave. Që nga ajo konferencë shtypi e aktit të dorëheqjes, pas një ploje kriminale të të birit, ajo e ka komunikimin me pubikun vetëm artistik, pra vetëm skenik.
Pas gjithë asaj drame në jetën e saj qe lajm rikthimi në skenë, një vijimësi që e ajo pati dhe në rastin e humbjes së bashkëshortit.
Por tashmë, protagonizimi i saj skenik është diçka e zakonshme, ama jo për të mos u vlerësuar nga pikëpamja karakateriale. /sarandacity.al/
