Mariopul: Mikhaili nuk jeton më!

Mikhaili, një ushtar greko-ukrainas që që luftonte në Batalionin Azov, ka rënë në betejën e fundit për Mariupolin, në rrethimin në fabrikën Azovstal.

Ishte ambasadori i Ukrainës në Greqi, Sergei Sutenko, i cili tha se Mikhaili humbi jetën javën e kaluar, por fakti nuk ishte bërë i njohur gjerësisht, për shkak të vështirësisë së komunikimit me zonat e luftës.

Rasti i tij solli shumë pështjellime në opozitën greke, atë të majtë, pasi Azov është me dritëhije në origjinën e tij themeluese, pasi gjykohet dhe si me frymë neonaziste. Ndaj, i pyetur për rolin dhe aktivitetet e Urdhrit Azov, ambasadori ukrainas në Athinë shpjegoi dje se, megjithëse filloi si një organizatë me retorikë të ekstremit të djathtë në vitin 2014, në vitet në vijim u riorganizua rrënjësisht dhe u integrua plotësisht në Gardën Kombëtare, e cila është pjesë e Ministrisë së Punëve të Brendshme të Ukrainës.

Duke komentuar rastin e akuzave të pjesëmarrjes së ushtarit të vdekur tashmë greko-ukrainas në Urdhrin Azov, Sutenko foli për narrativa “të rrënjosura thellë” në tokën greke, të cilat i cilësoi si produkte të dezinformimit dhe propagandës nga Moska. Megjithatë, ai pranoi se është bërë një “hap i madh” në perceptimin e popullit grek për pushtimin rus të Ukrainës në dimensionin e tij të vërtetë.

Pas kritikave të ashpra të opozitës për shkak të shfaqjes së mesazhit të ushtarit greko-ukrainas në seancën plenare të Parlamentit grek në fillim të prillit, zëdhënësi i qeverisë Giannis Oikonomou e kishte cilësuar si “të gabuar dhe të papërshtatshme” praninë e një anëtar të Urdhrit Azov, megjithatë, duke shtuar se ishte “egërsore dhe e pandershme të përdoret ky gabim nga një pjesë e opozitës, e udhëhequr nga zoti Tsipras, për të justifikuar edhe një herë pushtimin rus”.

Pas njoftimit për fundin tragjik të azovistit me origjinë greke, ambasadori ukrainas në Greqi theksoi dje se “kjo ngjarje tragjike do t’i japë fund gjithë këtij debati për praninë e Mikahilit në Parlament. Ai ishte grek, ukrainas me origjinë greke. Ky ushtar grek u vra duke mbrojtur ukrainasit, përfshirë ata me origjinë greke në Mariupol”, përfundoi Sutenko.

“Unë quhem Mikhail, jam grek, gjyshi im ka luftuar në luftën kundër nazistëve dhe është plagosur tre herë. Unë kam lindur në Mariupol dhe marr pjesë në mbrojtjen e qytetit nga nazistët rusë.

Një pjesë shumë e madhe e qytetit është greke dhe me origjinë greke dhe Greqia ka qenë gjithmonë pranë tij. Sot Mariupol është 90% i shkatërruar nga nazistët rusë nga bombardimet e përditshme.

Nga 1 marsi, qyteti u rrethua nga nazistët rusë dhe mbetëm pa ujë, rrymë dhe ushqim për pak kohë. Bashkatdhetarë, ne kemi një qytet ku jetojnë mijëra dhe ku mijëra vdesin për të dhe ju lutemi na ndihmoni”, ishin disa nga fjalët e tij në mesazhin drejtuar ligjvënësve grekë. /sarandacity.al/