Ata janë banorët me të rinj të Sarandës. Të zhvendosur para 6 muajsh nga Laçi për shkak të tërmetit, familja Paja, ku secili prej tyre ka një pamje kontraverse, të denjë për t’u bërë personazhe të rrjeteve sociale, kanë zgjedhur të nguliten pikërisht në Sarandë, duke qenë se u pëlqen gjithçka kësaj ane. 
Eshtë një familje me 5 anëtarë, ku të gjithë ecin e shoqërohen bashkë, e ku dallohen për pamjen e frizurën e tyre allasoj.
Njëri prej tyre është Mbret Paja, djali i familjes, që njihet ndryshe dhe si Skënderbeu në Tok Tok. Flokët e xhelatinosura në formë piramide, e bëjnë atë një personazh për të kthyer kokën.
Vetëm 18 vjeç, ai shfrytëzon rrjetet sociale për t’u bërë i famshëm në to.
Videot e tij kanë një shikueshmëri prej më shumë se 375 mijë vetash.
Babai i Mbretit, Sinan Paja, ose pra babai i “Skënderbeut”, ka lindur në Laç. Ai është një i apasionuar pas poezisë por jo me mundësinë për të punuar. Ndaj kërkon punë për tre fëmijët e tij.
“Unë historinë e Skënderbeut e di përmendësh. Kur mamaja më fliste që të haja drekë, unë shtrihesha në rrogozë dhe lexoja historinë e heroit tone. Me atë më ngopej zemra. Gjatë leximit të kësaj historie thosha kur të më lind një djalë do t’ia vë emrin Skënderbe”.
Nga martesa me shkuesi me gruan e tij Suzanën, ose “Vojsavën”, ata kanë sjellë në jetë 7 fëmijë.
“Skënderbeu” ka mbaruar shkollën 9-vjeçare. Ideja për të hapur një llogari në Tik-Tok i lindi në kohën e pandemisë. Prej më shumë se një viti ai është aktiv me foto e video në të gjitha rrjetet sociale.
“Në Sarandë unë ndihem shumë i lumtur, njerëzit nuk më paragjykojnë, më kërkojnë të bëj foto me ta. Ideja për të bërë flokët si kreshta e Skënderbeut më lindi para dy vitesh. Në fillim për ‘fashion’, por duke parë që njerëzit më ndalonin në rrugë për të bërë foto, unë filova t’i mbaja cdo ditë”, shprehet “Skënderbeu”.
I duhet 1 minutë dhe 200 lekë në muaj për të krijuar look-un e tij.
Ka shumë pak raste kur njerëzit i fyejnë ose i bullizojnë. |Saranda është treguar shumë mikpritëse me ne”, shprehet babai i Skënderbeut, Sinani.
Si familje kërkojnë vetëm punë në mënyrë që të kenë një stabilitet ekonomik që të mos largohen nga qyteti i Sarandës.
“Skënderbeu” e ndjen veten të gatshëm për të punuar si kamarier, ai premton një klientelë që do të vijë vetëm për shkak të pamjes së tij. Loreta Malka – /sarandacity.al
521952 804869As far as me being a member here, I wasnt aware that I was a member for any days, in fact. When the article was published I received a notification, so that I could participate in the discussion of the post, That would explain me stumbuling upon this post. But were surely all members in the world of ideas. 341091