Me drogë mes Greqisë dhe Shqipërisë: 110 vite burg për 15-shen e “Limitit”

Gjykata e Posaçme ka dhënë në total 110 vite burg për 15 persona të arrestuar në kuadër të operacionit “LIMIT”, i zhvilluar dy vite më parë.

Në total u arrestuan 57 persona dhe u shkatërruan 4 grupe kriminale që vepronin në fushën e narkotikëve dhe trafikimit të emigrantëve të paligjshëm.

Në atë kohë, Gjykata e Krimeve të Rënda vendosi të mbante në masë sigurie “Arrest në burg” 15 persona, nga të arrestuarit në disa qytete të vendit, në një operacion ku u përfshinë dhe autoritetet greke.

Me shkrirjen e kësaj gjykate, në GJKKO është mbajtur seanca për dhënien e dënimeve finale dhe në total anëtarët e këtyre grupeve kriminale janë dënuar me 110 vite burg.

15 personat që mbaheshin në burg kanë pranuar akuzën në sallën e gjyqit dhe kanë përfituar nga gjykimi i shkurtuar.

Të arrestuarit dhe dënimi për secilin prej tyre:

Sokol Mesini       10 vite

Enkelejdi Sadik   8 vite

Kristo Çobaj        8 vite

Hysni Sadik          6 vite

Bektash Zenel     6 vite

Andrea Caca        9.4 vite

Besjan Zenel       8 vite

Bilbil Shqalshi      8 vite

Eljon Jaho             8 vite

Emiljano Kalemi    8 vite

Aleksander Pepi    8 vite

Festim Çorbaxhi   8 vite

Gjergji Muke       3.4 vite

Romeo Tare       3.4 vite

Rexhep Pipek     8 vite /sarandacity.al/