“Respektoni rregullat e qarkullimit rrugor që të arrini në destinacion të sigurt dhe me patentë në xhep.
Mos fluturoni në rrugë për të arritur sa më parë detin, se në rastin më të mirë do arrini radarin dhe policin rrugor dhe në rastin më të keq aksidentin”, është kjo më e fundit thirre që Policia Rrugore ka për drejtuesit e automjeteve.
Si bilanc ndëshkues, mësohet se nga kontrollet e intensifikuara në të gjitha akset rrugore, duke përdorur dronë, radarë, kamera dhe makina të pa loguara rezulton se gjatë 24 orëve të fundit janë vënë nën pranga 11 persona, janë pezulluar 50 leje drejtimi si dhe janë ndëshkuar me masë administrative 1804 shoferë.
Ndërkohë, aksi më problematik mbetet ai Fier-Vlorë, me 15 patenta të hequra.
Kujtojmë se në këtë segment javë më parë u shua një familje, prindërit dhe dy vajzat, pasi u goditën nga një Audi luksoz që ecte me shpëjtësi, ku në timon qe një fëmijë biznesmeni. /sarandacity.al/
