Mediat greke i kanë kushtuar vëmendje debatit të këtyre ditëve në Shqipëri, të përdorimit të të dhënave personale të të paktën 910 mijë njerëzve dhe që po përdoren për qëllime të fushatës elektorale nga Partia Socialiste.
Gazeta greke Protothema, në një artikull të titulluar “Shqipëri: Skandal me dosjet” e mijëra qytetarëve nga Partia Socialiste e Ramës”, citohet se në listë përfshihen emrat e aktorëve, këngëtarëve, gazetarëve, analistëve, avokatëve, gjyqtarëve, prokurorëve, ish-dhe ministrave aktualë dhe anëtarëve të familjeve të tyre, por edhe të dhjetëra mijëra nëpunësve civilë të cilët Rama po përpiqet t’i kthejë në “mbledhësit e votave” nën kërcënimin e shkarkimit. /sarandacity.al/
