Me shprehjen “s’na plas” iu përgjigj Basha ultimatumit të orëve më parë ardhur nga PD-ja e Berishës, e cila e afatizoi deri në 5 janar për të dalë nga zyra si i shkarkuar.
“PD e ka marrë vendimet e veta dhe do t’u qëndrojë atyre deri në fund dhe Kuvendi i 18 dhjetori është jo vetëm ndarja me te shkuarën por edhe shikimi drejt të ardhmes. Nuk na plas për karriget e atyre që paskan qene aty vetëm për karriget”, tha Basha, dalë para medias për cështjen e daljes në publik të një database me pagat e qindra shqiptarëve.
Sipas tij, Rama duhej të kishte dhënë dorëheqjen nga ky zhvillim.
“Sot Rama duhet të jepte dorëheqjen pastaj të kërkonte falje. Po kërkon ta zvogëlojë këtë skandal që cenon sigurinë familjare dhe që ky pretendon se është çështje teknike bravash.
Nuk është çështje e një punonjëse që paska pasion të ketë në xhep pagat e 630 mijë shqiptarëve. Ky është një akt kriminal i përmasave të tilla që nuk ka urdhër ta bëj realitet, përveç përfshirjes së personave më të fuqishëm politik në vend”, tha Basha. /tesheshi.com/
