Duket sikur shëtitorja e re morri mësysh nga vlerësimet me aksidentin që ndodhi aty këtë të mërkurë, ku si pasojë mbetën të plagosur tre punëtorë.
Ka qenë shembja e një skele ajo e cila zbehu relaksin që po sjell kjo shëtitore në Sarandë, pra një aksident në punë, pasi aty ende ka vatra ku punohet, gjersa ende nuk ka përfunduar plotësisht e s’është dorëzuar si vepër publike.
Fjala është për montimin e një e një Info Point-i, proces që nuk ka shkuar siç duhet.
Të plagosur janë: Vasil Fetaj, 36 vjeç, frakturë e shputës së këmbës së majtë.
Indrit Çelmeta, 29 vjeç, frakturë e gjurit të djathtë.
Ndërsa një kolegu i tyre ka patuur thjesht gërvishtje. Të lënduarit janë banorë të Tiranës, staf i firmës “Fusha” që po realizon shëtitoren në të gjithë detajet e saj.
Policia po heton mbi shkaqet e aksidentit. /sarandacity.al/
