Meta kaloi në ish-president, duke ia dorëzuar detyrën e kreut të shtetit pasardhësit të tij Bajram Begaj, në një ceremoni para Presidencës në bulevardin “Dëshmorët e Kombit”.
“Dua të falenderoj Metën për përmbushjen e detyrës, komunikimin professional dhe social që patëm gjatë periudhës së detyrës”, tha Begaj në hyje të një tjetër fjalimi.
“Për mua sot është një ditë e veçantë, padyshim dita më e rëndësishme e jetës time. Jam para jush dhe ju drejtohem me nderin dhe privilegjin të zgjedhur në postin më të madh, atë të presidentit të Republikës.
Ky besim më ngarkon me përgjegjësi ndaj qytetarëve të Kombit tim, ndaj partnerëve dhe miqve dhe familjes time. Sot u betova për besnikëri ndaj Kushtetutës”, tha kreu i ri i shtetit.
“Do jem shërbëtor i popullit tim, përfaqësues i unitetit kombëtar. Do të jem kontribues i komunikimit dhe bashkëpunimit, i nismave dhe ideve që zhvillojnë dhe çojnë para shoëërinë tonë.
Dialogu mes forcave politike, komuniteteve fetare, dëgjimi i vëmendshëm i medias së lirë, respektimi dhe pranimi i debatit mundëson që forca e tij të mishërohet në mirëqënie , zhvillim dhe progres për qytetarët e vendit.
Unë do të mbështes çdo veprim për të arritur marrëdhënie të shëndosha nëpërmjet institucioneve Kushtetuese”, theksoi presidenti i ri. /sarandacity.al/
