Mazhoranca e ka shfrytëzuar mosshkarkimin e Metës nga Kushtetuesja si një fakt sipas saj, që drejtësia e re nuk është kapur nga qeveria.
Kreu i grupit socialist, Taulant Balla tha se nëse maxhoranca do e kishte në dorë drejtësinë, Gjykata Kushtetuese do të kishte shkarkuar presidentin Ilir Meta.
“Gjykata Kushtetuese, natyrshëm ka rrëzuar sipas tyre një vendim të Kuvendit të iniciuar nga kjo maxhorancë.
Nëse do kontrollonim reformën në drejtësi do kishim kontrolluar Reformën në Drejtësi do kishim në dorë Gjykatën Kushtetuese.
Nëse do kontrollonim Gjykatën Kushtetuese do ishte shkarkuar Ilir Meta se nuk ka shqiptar dhe shqiptare në këtë vend që nuk bie dakord që Ilir Meta duhej shkarkuar.
Por ka vendosur gjykata, nuk komentohet. Ndaj duhet të tërhiqni mbrapsht çdo akuzë që keni thënë se në këtë vend se ne kemi kapur drejtësinë”, tha Balla, duke shtuar diçka dhe për Metën vetë:
“150 ditët e mbetura në detyrë, nuk ia drejtojnë figurën qesharake. Meta do ikë pas 150 ditësh, mirë do ishte të ikte që sot”, tha Balla. /sarandacity.al/
