Mirësevjen në Sarandë Luigi Soreca! Ç’pritet të premten në Ksamil

Të premten më 28 maj, në Ksamil do të ketë një tryezë me aktorët e turizmit dhe pushtetin lokal do të diskutohet mbi “Menaxhimin lokal të destinacioneve”  dhe krijimin e organizatave te menaxhimit dhe marketimit te destinacionit (DMO).

I pranishëm në takim do të jetë dhe kreu i delegacionit të BE në Tiranë, z. Luigi Soreca, si pjesë e fushatës #EuropeWeeks2021 që po zhvillon BE në gjithë vendin, për të promovuar kontributin e BE-se në Shqipëri.

Kjo tryezë është pjesë e projektit “Rritje ndërgjegjësimi dhe lobim tek politikëbërësit për zhvillimin e modelit të DMO-ve në Shqipëri, pjesë e projektit  të Co Plan, “Dialog për Zhvillim Politikash Gjithëpërfshirëse në Shqipëri”, financuar nga Bashkimi Europian.

Ky projekt ka qëllim të sensibilizojë dhe gjithë aktorët e turizmit në destinacionet kryesore turistike, kryesisht ato të UNESCO-s, për nevojën e krijimit të organizatave të menaxhimit të destinacionit për një turizëm cilësor e të qëndrueshëm, gjithëvjetor dhe me përfitime për komunitetim.

Nga përfaqësues të Bashkive Sarandë, Konispol e Finiq, pritet të prezantijnë potencialet turistike të zonës.

Do të ketë dhe diskutime e shkëmbim idesh me kreun e delegacionit të BE dhe turoperatorët, përfaqësues të hoteleve, restoranteve, artizanë, guida turistike etj. /sarandacity.al/