Davide Pecorelli, një biznesmen italian i zhdukur 8 muaj më parë në Pukë, madje me automjetin e e tij të gjetur të djegur dhe me eshtra njerëzore brenda, është gjallë.
Sipas mediave italiane, ai është gjetur në Livorno, në bordin e një gomoneje që po mbytej, ku më pas ka dhënë dhe deklarimet e para në polici.
Renato Pecorelli, babai i tij, në reagimin e parë për mediat tha: “Unë do ta përqafoj, por menjëherë pasi t’i tërheq veshët!”
Ai ka thënë se ka qenë ish-gruaja e të birit e cila e ka njoftuar dhe i ka thënë se Davide ishte gjetur i gjallë. Dhe jo në Shqipëri ku e kërkonin “me lupë”, por në Itali.
“Tani mezi po pres ta shoh përsëri që ai do të më thotë çfarë ndodhi në ato anë …”, është shprehur Renato Pecorelli
Babai i 4 fëmijëve, Davide Pecorelli u zhduk në Pukë, ku kishte shkuar në një udhëtim pune.
Një automjet tip Skoda e marrë prej tij me qira në aeroportin e Tiranës, u gjet e përfshirë nga flakët pikërisht në Pukë, me disa sende dhe eshtra njerëzore brenda, edhe sot të paidentifikuara. /sarandacity.al/
